പച്ച നിറമുള്ള പൂച്ച

തുറന്ന
നിന്റെ മനസ്സില്‍ നിന്നിറങ്ങിയ
പച്ച നിറമുള്ള പൂച്ച

ഇന്നെന്റെ
തുറന്ന
കത്തില്‍ പുനര്‍ജനിച്ചു

കഴുത്തില്‍
വര്‍ണങ്ങള്‍ കൊണ്ടെഴുതിയ
സന്ദേശ

"പ്രണയം
കണ്ണുചിമ്മി
സൂര്യനെ കാണുന്നു "

വിലക്കു

മൌനം കാറ്റിന് ; മനസിനും
വീഷിയടിക്കുംബ്പോള്‍
കൂട്ടിയിടിച്ചു കൊഴിയുന്ന
ഇലകള്‍ ; സ്വപ്നവും

ഒടുങ്ങാത്ത കിനാക്കളെന്നെ നടത്തുന്നു
ഒച്ചയുണ്ടാക്കാതെ സഞ്ചരിക്കാം നമുക്കു

അതിര്‍ത്തികള്‍ ആളിക്കത്തുമ്പോള്‍
നമുക്കു ഉപേക്ഷിക്കാം
വിലക്കിന്റെ ദൂരങ്ങള്‍

യുദ്ധം

വക്കെടുത്തു വെട്ടി
മുറിവേറ്റ യോദ്ധാക്കള്‍
പ്രണയികള്‍ -

വേണ്ടായിരുന്നു
എന്ന്
പരസ്പരം ആത്മഗതങ്ങള്‍

യോദ്ധാവ്
നെഞ്ജില്‍ മുറിവേറ്റു
കീഴടങ്ങും ; മരണത്തിനു

നമ്മളിലരാന്
വാക്കിന്റെ മുറിവിനു
മൂര്ച്ചകൂട്ടിയത്

മനസ്സിന്റെ പരിച തകര്ന്നു
പടനിലത്തില്‍
ഏകാന്തത നിലവിളിക്കുന്നു

നിര്‍ത്താം
വാക്കെരിഞ്ഞുള്ള
ഈ
യുദ്ധം

മൌനം

കൊടുംകാറ്റിന്‍റെ സാനിധ്യമുള്ള
നിന്‍റെ മൌനം
പ്രണയമാകാം
പ്രതിഷേധമാകാം
വെറുപ്പിന്‍റെ കാലോച്ചയുള്ള
പൊട്ടിതെരിയാകാം

കാറ്റിനെ ഗര്‍ഭം ധരിച്ചു
നീയാകെ
വിയര്‍ക്കുന്നല്ലോ

പൊട്ടിത്തെറിക്കും മുമ്പു
ഓര്‍ക്കണം നീ
നശ്വരം
മര്‍ത്യ ജീവിതം

മൌനം

ഭൂമിയുടെ ഉപ്പ്

ഉയിര്‍ത്തപ്പോള്‍
അവന്‍
ദൈവപുത്രനായി
അമ്മയുടെ മടിയില്‍
മുറിവേറ്റു കിടന്നു
നീ
കുരിശിലെരന്‍
യോഗ്യതയില്ലാത്ത
വെറും
ശരീരം;ഉയിര്‍ക്കാനും
മറക്കാതിരിക്കുക
ചരിത്രത്തിന്റെ പാഠം
പ്രണയം
ഭൂമിയുടെ ഉപ്പാകുന്നു

തുറന്ന വാതില്‍

പ്രണയികള്‍ക്ക്
മൗനം മുറിവാണ്
ആഹ്ലാദത്തിന്റെ
കൂടിച്ചേരലുകള്‍
നമുക്കില്ല

പ്രതീക്ഷയുടെ
വിദൂര പ്രകാശമാണ്
വഴികാട്ടി

തുറന്ന വാതിലിനു
ലോകത്തിന്റെ മനസ്സാണ്